बैकुंठ चतुर्दशी 2022 | बैकुंठ चतुर्दशी की कथा | बैकुंठ चतुर्दशी की कहानी | बैकुंठ चतुर्दशी की पूजा विधि | बैकुंठ चतुर्दशी का पूजन | वैकुण्ठ चौदस | वैकुण्ठ चतुर्दशी | vaikuntha chaturdashi katha | vaikuntha chaturdashi puja vidhi | Baikunth Chaturdashi 2022
बैकुंठ चतुर्दशी की पूजा विधि | Vaikuntha Chaturdashi Puja Vidhi
बैकुण्ठ चौदस काती सुदी चौदस न आव। बी दिन जल्दी उठर सब जणा स्नान करणू । बोरडी की पूजा करणू । तेल का फुवा भरर बोरडी क चढ़ाणू । तेल की चिराग जोणी । कूंकूं चावल, हल्दी, धुप, दीप, पापड़, पान, फुल, सुपारी स्यू पूजा करणू और मूण्डा स्यू बोलणो | झाडो झूडो पाप निवेडो हे भगवान बी को पाप निवेड ज्यान म्हारो निवेडिज्यो ।
बैकुंठ चतुर्दशी की कथा | बैकुंठ चतुर्दशी की कहानी | Vaikuntha Chaturdashi Katha
एक डोकरी हो बीक एक बकरी थी जीको नाम कपूरणी हो सगला गांव का लोग पुष्कर न्हावण जायण लाग्या डोकरी आपरी पाडोसण न बोली कि म्हे भी पुष्कर जाऊ पण म्हारे आ कपूरणी हैं इन कुण सम्भाल |
पाडोसन बोली मांजी थ्हे जावो इन म्हे सम्भाल लेऊं । डोकरी बोली इन चारों घाली जे, कुण्डा म पाणी घालर रख दीजे ई की सम्भाल करीजे। यान बोलर डोकरी माई पुष्कर न्हावण चली गयी । एक दिन पाडोसन भूलगी बकरी न चारो घालयो कोनी, पाणी कोनी दिबी दिन ब्रम्हा चौदस बैकुण्ठ चौदस की रात ही । कपूरणी [बकरी] भूखा मरती तीसा मरती मरगी वा तो बैकुण्ठ म चलेगी।
पाडोसन देखो तो कपूरणी मरयोडी पडी है वा घबरागी। सोची कि डोकरी न कांई जवाब देवूं ? डोकरी पुष्कर स्यु पाछी आई पाडोसन न पूछी कि कपूरणी कठ है । पाडोसन सारो वृतान्न कह् सुणायो । इत्ता म कपूरणी आकाश म खडी रेकर बोली ऊडणी कपूरणी कीत्ती काती न्हायी काती वाती कुछ नहीं न्हायी एक बैकुण्ठ चौदस न्हायी ।
कपूरणी राजा क घर वाई को जनम पायो । काती का पूरा महिना म यदि न्हाणू नहीं सज आवे तो बैकुण्ठ चौदस क दिन जरुर काती न्हाणू ऊडणी कपूरणी न ज्यान बैकुण्ठ मिल्यो ज्यान सबन मिली ।
